Al la pola versio
Pri ni
La Cifereca Arkivo de PEA estas projekto, kiu celis komenci la ciferecigon de gravaj arkivaj materialoj kaj samtempe iniciati evoluigajn agojn. Ekzemple: krei novan vortaron surbaze de skanita. Tio realiĝis laŭplane, kio tre ĝojigas min.
La Arkivo ne estiĝis kiel komuna verko de la tuta asocio – sed kun konsidero al ĝiaj bezonoj. La ĉefaj iniciatintoj kaj realigintoj estis: mi – Bartłomiej Azoniasty Jezierski – kaj Robert Kamiński, Prezidanto de PEA – lia plena subteno kaj fido akompanis min dum la kreado de ĉiu elemento de ĉi tiu paĝo.
Danke al la engaĝiĝo de sinjoro Robert (por kio mi dankas) kaj aliaj membroj de la asocio, kaj ankaŭ aliaj donacantoj (koran dankon al Przemysław Wierzbowski, prezidanto de Bjalistoka Esperanto-Societo!) mi povis fini ĉi tiun projekton.
Mi estas kortuŝita, ke ni sukcesis ne nur fini la kreadon de la arkivo – sed ankaŭ, laŭeble, racie kunordigi la agojn rilatajn al arkivoj. Tio ne estis nur teknika eksperimento – tio estis reala laboro kun videbla rezulto ĉi tie, kiu fakte estas bona hobio, kiu neniam finiĝas.
Kio sekvas?
Post la finigo de laboroj kun la arkivoj oni povus pensi, ke tio estas la fino... sed ne! Mi planas iniciati propran kurson de la esperanta lingvo, foje mia pseŭdonimo aperas en „Pola Esperantisto” – ĉi tiu paĝo, same kiel miaj aliaj agoj, ne estas finitaj. Por mi tio estas speco de malfermo, kiu enkondukis min en la mondon de esperanto. Mi estas tre dankema pro la varma bonvenigo kaj esperas, ke ni kune povos fari eĉ pli.
Verŝajne mi devos ĝisdatigi la paĝon ankoraŭ multajn fojojn – ne nur ŝanĝante la jaron ĉiun 1-an de januaro, sed ankaŭ aldonante novajn materialojn. Laŭ mia scio, estas ankoraŭ pli – nuntempe vi povas trovi ĉi tie eĉ „blankajn korvojn”, kiuj antaŭe ne estis troveblaj.
Mi certe dediĉos ankoraŭ pli da mia laboro kaj kapabloj por la bezonoj de nia afero kaj komuna celo, kiu estas egala komunikado inter homoj per neŭtrala lingvo. Mi dankas ĉiujn pro profunda fido, komune dividita scio, agrablaj konversacioj kaj materialoj, kiujn mi uzas ĉiutage.
Danke al la paĝo, kiun vi nun legas, mi fariĝis plenrajta membro de Esperantujo – kio, konsiderante mian partan nekapablon daŭre konservi pasion – des pli ĝojigas min.
Mi ankaŭ volas danki ne nur pro la promeso ricevi honoran membrecon, sed ankaŭ pro granda afableco, multaj teknikaj konsiloj kaj kunlaboremo – danke al kiuj mi plibonigis miajn kapablojn utilajn por mia freŝe komencita lernado en teknika lernejo.
Resumante: mi ne fermas min al projektoj ekster la Arkivo kaj ne lasas ĝin en stato „finita”. Ĉi tiun paĝon oni povas ankoraŭ pli plenigi, ĝisdatigi, beligi – transformante ĝin en speco de centro de esperantaj kolektoj.
Kial valoras trarigardi la Arkivon?
La materialoj disponeblaj en la Cifereca Arkivo de PEA ne estas hazardaj – ili estas dokumentoj, publikaj kaj rimedoj kiuj dum jaroj servis por edukado kaj evoluo de la esperancka komunumo en Pollando. Ili estis kolektitaj, priskribitaj kaj alirebligitaj kun la celo ne perdi ilin en skuffoj nek en forgeso.
En la sekcio „Rimedoj” vi trovos ĉiujn ĉi datumojn – de vortdaroj, tra lernolibroj ĝis eĉ unikaj audio-materialoj. Ĉiun dosieron eblas elŝuti, trarigardi, uzi – ĉu en lernado, ĉu en instruado, ĉu simple el scivolemo kaj deziron mem studi Esperanton. Ne necesas esti longtempa esperantisto, ĉar la paĝo estas malfermita por ĉiu interesita.
Valorinde, ĉar tio ne estas nur arkivo – tio estas aliro al scio, kiu dum jaroj estis disigita. Nun ĝi estas en unu loko – kaj atendas tiujn, kiuj deziras ĝin uzi.
Aliaj fotoj
Sube mi metas galerion kun aliaj, ankoraŭ interesaj fotoj:
Kontakt
Retpoŝta kontakto al personoj prizorgantaj la ciferecigon:
- al la direktoro de arkivaj agadoj: azoniasty@gmail.com
- al Robert Kamiński, Prezidanto de PEA: rk-lodzo@wp.pl
Al la supraj retadresoj eblas korespondi pri ajna afero, precipe pri la Arkivo – ĉi tie povas kontakti sin tiuj, kiuj deziras aldoni sian materialon, indiki eraron ktp. Ni tre dankas pro la volo kontakti. Tiuj adresoj ankaŭ povas servi kiel kontakto por amaskomunikiloj.
En la estonteco ni ankaŭ aldonos ĉi tien aliajn vojojn de kontakto, ekzemple telefonnumerojn.